Ịiḅereghi ọloghonaan ạḍighaagh
13
Ọmoogh-we, kꞌạpur amem kụ ẹdi nạ kuwula bọ ịmi? Kꞌagee-pọ ḍụghum?Kꞌạpur amem kụ ẹdi nạ kụaaghinaan bọ ịmi risigh phọ ạna?
2 Kꞌạpur amem kụ ẹdi mị kạtol ọkparam ghan
ịiḅaghami rꞌọto oomo aḍio sịphe ologhi phọ ạmi?
Kꞌạpur amem kụ ẹdi ạbumulogh-ḍien phọ ạmi kọkpar ghan bọ upu ịmi?
3 Uphogh ịmi kụ ạphagharanaan, nạ Ọmoogh-we Ẹnaan phọ ạmi.
Ḅulemi ịnyaam mọ ạmi, ọbo mị kamugh ghan bọ.
4 Kámeera ạbumulogh-ḍien phọ ạmi ọḅem mọ, “Yoor mọkpar opu nyọdi.”
Kámeera bụphe rụuḅaghami bọ ịmi oboh loor emeel phọ ạmi.
5 Mị aḍuom ologhi ẹphomoghian phọ ạna rémuneen ghan bọ.
Mị abo iboh ịdi eḍighi bọ nạ kụphel li ịmi atene.
6 Mị kạmooraan Ọmoogh-we phọ sụor,
ịdi eḍighi bọ ọdi udimom ni ịmi igey.