AZakzis ọdaam mọ ạto ạkpaariom rukumuan ạngo we phọ orugh bọ iigbom ạriphiiny phọ rꞌạbuphe orugh bọ ọkelan rịphiiny phọ sịphe eelhe ọda phọ ọdi. 2 Oomo igbogh ạraraar rꞌịiḍaany phọ ọdi aḍighi bọ, ḅịle kẹn ịlo ịpe ọdi aphoophe bọ Modekai asiemi esi uwo ẹmhu, ọge ni sịphe ạrinya ạbudaam mọ aPasia rꞌaMedia dị egbolomaam ịpe emiteghu bọ. 3 AModekai ọlo aJu phọ kụ otum aZakzis ọdaam mọ rꞌaloor bịn esi ịikpo. Ọdi oye dị ụngo ni eghuan kụ ạḅile kẹn ạḅeeraan we aJu phọ. Ọdi aḍighi ghan ịlo kẹnighenaan we phọ ọdi rꞌịlo oseere ạdol ẹepho bụo ẹemara ẹemara phọ ọdi.