Ạroko-ạsuor Otu Ịiḅereghi phọ
25
ADevid ọdaam mọ rꞌabuḍiemiom ạbuo aLivai ụson ni ropolo awe aLivait ạbuen mọ ọpham ghan ịiḅereghi: Asaf, Heman rꞌaJedutun. Oḍighi ạbidi ogbeelom ghan adom Ẹnaan rꞌạroḍogh ạrene rꞌịkpaalaam. Ịphen kụ asiḍien awe dị ọson ọpham ghan ịiḅereghi rꞌiiḍighi aḍita rꞌaḍita.2 Inya phọ ạnmuny phọ Asaf: Zakur, Jọsef, Netanaya, rꞌAsarela. Bịdi ụrol ghan eeḍian Asaf, ọpo agbeelom ghan bọ dom Ẹnaan tọrobo amem lọ ọdaam mọ ạto.
3 Odiiny phọ ạnmuny phọ aJedutun: Gedalaya, Zeri, Jesaya, Simei, Hasabaya, rꞌaMatitaya. Mem lọ ọde ạbidi ạḅeni, bịdi ugbeelom ghan dom Ẹnaan rꞌẹḍogh ạrene, ọmoor sụor ạḍiseph oboomiom Ọmoogh-we phọ.
4 Ḍioph rꞌinya ạnmuny phọ aHeman: Bukaya, Matanaya, Ụziel, Sẹbuel, Jerimot, Hananaya, Hanani, Eliata, Gidalti, Romamti Ezer, Josbekasa, Maloti, Hotir, rꞌaMahaziot. 5 Ẹnaan ịngo Heman, oyil ọdaam mọ, ḍioph rꞌinya alephiri phọ ạbuen rꞌịraar ạnmanyaan, ịdipho ọdi maguanaan bọ, ẹlo ọngo ịikpo Heman. 6 Oomo ạnmuny phọ ọdi upheghom ghan ịkpaalaam rꞌạrene ịlo ọde ạbidi ạḅeni, ọdaphan ịiḅereghi sịphe Otu Ịiḅereghi phọ. Kụ Asaf, aJedutun rꞌaHeman ụrol ghan ni eeḍian ọdaam mọ.
7 Oomo ịyaldi rꞌinya awe phọ ạbuen ạbuo ẹmaar; kụ ạbueri phọ ạbuo aLivai ạroko-ạsuor dị ọtughemi. Oomo phọ ạbidi ụman ịyal okuron ọphaanyadi rꞌọphaanya awe. 8 Esi oseere oḍighi ọlo oye rꞌoye, oomo phọ ạbidi udi ẹdo, mụghumo ọony mꞌokumoor oye, mụghumo ạmaar mꞌọ́maar.
9-31 Udi ịyal okuron ọphaanyadi rꞌọphaanya awe phọ ạbuen ọdaphan rughunotu dị edi ịyaldi rꞌinya asita, ḍioph rꞌịyal awe rꞌoniin oḍiemiom esi. Ịduon kụ ẹdi bịdi ọrol ghan oḍighi:
| 1. | ẠJosef ọlo eghunotu phọ Asaf |
| 2. | AGedalaya |
| 3. | AZakur |
| 4. | AZeri |
| 5. | ANetanaya |
| 6. | Bukaya |
| 7. | Asarela |
| 8. | AJesaya |
| 9. | AMatanaya |
| 10. | ASimei |
| 11. | Ụziel |
| 12. | AHasabaya |
| 13. | ẠSebuel |
| 14. | AMatitaya |
| 15. | AJerimot |
| 16. | AHananaya |
| 17. | AJosbekasa |
| 18. | AHanani |
| 19. | AMaloti |
| 20. | Eliata |
| 21. | AHotir |
| 22. | AGidalti |
| 23. | AMahaziot |
| 24. | ARomamti Ezer |