Ade phọ odi bọ ọngo eghun aJuda
15
Mụen kụ abin ẹmoogh ẹlo eghun aJuda, bụo ọto rꞌopolo, emiigh ḍịghaagh esoorom ẹsighe ẹghi esiemi ẹpe ọku Idom, ẹghi esiemi ẹpe ẹdala phọ aZin ẹpe eekuna ọku ạḍighaagh esoorom mọ. 2 Ọku ạbidi ẹpe ḍịghaagh esoorom mọ ạḍua ẹpe ọphu nyọpo odi bọ ḍịghaagh esoorom Ọphiiny-Ạla phọ 3 kụ ạghi asi ẹpe ịigaany ạḍighaagh esoorom Eḍighom Akrabim ạḅeeny ạghi asi Zin kụ aten ạghi asi ẹpe matuman esoorom aKades Bania ạghi asi Hẹzron, aten ạghi asi Adar, kụ aago akiton Kaka, 4 ạḍua ạghi asi Azmon, ạdaph okol phọ ọpo ạkuan bọ Ijipt ạḅile ramitiom ghan bọ mụum kasi Ọphiiny aMeditarenian. Phọn kụ ọku ọlo ạbidi ẹpe ạḍighaagh esoorom mọ.5 Ọku ọlo ạbidi ạga emitenom erumuḍio phọ kụ Ọphiiny-Ạla phọ. Ạki tụtu asi ọphu phọ ọpo akil bọ amite Jọdan.
6 Ọku phọ ạḍua ạki asi ẹpe Bẹt Hogla, aten ạki asi ẹpe ephunom mọ ạBet Araba, ạḍua ạki asi ẹpe Aḍighiigh aBohan ọony phọ aRuben. 7 Ọku phọ ạḍua ạki asi Debir, emiigh sịphe Eḍiiny Ịiḅaghami ẹghi esi ẹpe matuman ephunom ạGilgal ẹpe esomanan phọ dị rọki Eḍighom Adumim ẹpe esoorom ạmubo ạmuum mọ. Ọku phọ aten ạki asi ẹpe En Semes ẹghi esi En Rogel. 8 Ọku ade phọ ạḍua ạki asi ẹpe Eḍiiny Bẹn aHinom, ẹḍua ẹghi ạga esoorom mọ ẹkuan Jeruselem ẹmha aJebusait phọ. Ọku phọ ạḍua ạki ạsiiny eegbolom mọ ẹpe edi bọ ạga emeelom erumuḍio Eḍiiny aHinom, eekuna ạga ephunom Eḍiiny aRefaim. 9 Ọku phọ amiigh sịphe ạnyu eegbolom, ạsighe ạki asi ẹpe ạmubo ạmuum ighool phọ aNeftoa kụ ạsighe sịphe ạki asiemi ẹpe ạramha Eegum Efron, kụ ọku phọ ạkula akitonom Baala (ịduon phọ pọ ạKiriat Jiarim). 10 Ọku phọ aago akiton ạḍua Baala ẹpe erumuḍio phọ remeel ghan bọ ạki asi roogbolom aIdom atenom ạki asi ịigaany ephunom Eegum aJiarim (ịduon phọ pọ aKesalon), ạki asi Bẹt Semes, kụ ạḍua ạki asi Timna. 11 Ọku phọ ạḍua asi ịigaany Ẹkron ẹpe ephunom mọ. Ọku phọ ạsighe ạki asi Sikeron ẹpe ạḍighaagh ephunom mọ, ạsighe asi ẹpe Baala, ạsighe ạki asi Jạmnia. Ọphiiny aMeditarenian kụ ọku phọ, 12 nyọpo ạga emeelom erumuḍio phọ.
Phọn kụ ọku ade eghun aJuda, bụo ọto rꞌopolo.
ẠKeleb azuoghom Hẹbron rꞌaDebir
13 *Ịdipho Ọmoogh-we phọ ạto bọ ạḅeni Josua, ọdi ạsighe ẹmha ạKiriat Arba (ịduon phọ pọ ạHebron, Arba kụ ọde Anak) ạngo Kẹleb ọony phọ aJefune mọ ạmoogh bin mụo ọdi sịphe ogbo eghun phọ aJuda. 14 Kụ ạKeleb aphorogh ịraar ạnmuny Anak ạsighiogh: Sesai, Ahiman rꞌaTalmai. Bịdi ụḍua ni ọkuruḅaka Anak kụ omite. 15 Ọdi ạḍua sịphe phọ azuom bụphe orugh bọ ẹpe Debir (ḍịḅel aḍien aDebir ughol mọ ạKiriat Sefer). 16 Kụ ạKeleb ạḅem mọ, “Oye lọ ạze we ạKiriat Sefer kụ ạsighe de phọ ạmoogh, mị kạsighe Aksa ọnyani phọ ạmi ạngo nyọdi dị aphin.” 17 Ọtniel ọony phọ aKenaz umor ạKeleb ạsighe ạmoogh, kụ dị ạsighe Aksa ọnyani phọ ọdi ạngo kụ aphin. 18 Aksa rogheel bọ kꞌolhom mọ ọdi kụ ạkpaariom olhom mọ ọdi mọ ạghi ạlhom ọde phọ ọno de oḅeph ozo, kụ Aksa ạḍua ạnyu ẹnam adool phọ ọdi asoor, kụ ạKeleb apuru ọnyani phọ ọdi mọ, “Eeghe? Ụga ni.” 19 Kụ Aksa ạphagharanaan mọ, “Usu ịmi ooḅi ọghor. Loor esi dị nạ mụngo ịmi ḍịgharaghar ade phọ esoorom mọ, ḅịle ụngoom ịmi iniin iiḍiph.” Kụ ạKeleb ạngo Aksa iiḍiph phọ ịpe edi bọ ẹpe ạnyu phọ rꞌẹphen esoorom mọ.
Igbogh ạramha eghun phọ aJuda
20 Mụen kụ abin ẹmoogh ẹlo eghun aJuda, bụo ọto rꞌopolo. 21 Ạramha ịpe eghun phọ aJuda edi bọ ẹpe eekuna ạḍighaagh esoorom mọ, ẹsighe ẹghi esiemi ẹpe Idom ịphen: Kạbzeel, Eder, Jagur, 22 Kina, Dimona, Adada, 23 Kedes, Hazor, Itnan, 24 Zịf, Telem, Bialot, 25 Hazor Hadata, Keriot Hẹzron (ịduon phọ pọ aHazor), 26 Amam, Sema, Molada, 27 Hazar Gada, Hesmon, Bẹt Pelet, 28 Hazar Sual, Beersheba, Biziotia, 29 Baala, Iim, Ezem, 30 Eltolad, Kesil, Homa, 31 Zịklag, Madmana, Sansana, 32 Lebot, Silhim, Ain, Rimon; oomo igbogh ạramha phọ kụ ọḅaram rꞌịbam ạramha phọ ẹman bọ ịyaldi rꞌesugha ạramha.
33 Ẹpe ade phọ eḍiinyaan bọ, Estol, Zora, Asina, 34 Zanoa, En Ganim Tapua, Enam, 35 Jamut, Ạdulam, Soko, Azeka, 36 Saaraim, Aditaim, Gedera, Gederotaim; igbogh rꞌịbam ạramha ẹman bọ ḍioph rꞌinya ạramha.
37 Zenan, Hadasia, Mịgdalgad 38 Dilian, Mizpa, Jokteel, 39 Lakis, Bozkat, Ẹglon, 40 Kabon, Lamam, Kitlis, 41 Gederot, Bẹt Dagon, Naama, Makeda; igbogh rꞌịbam ạramha phọ ẹman bọ ḍioph rꞌodiiny ạramha.
42 Libna, Eter, Asan, 43 Ifta, Asina, Nezib, 44 Keila, Akzib, Maresa; igbogh rꞌịbam ạramha phọ ẹman bọ esugha ạramha.
45 Ẹkron, igbogh rꞌịbam ạramha, 46 ẹḍua Ẹkron ẹghi esi ẹpe Ọphiiny aMeditarenian, oomo ẹpe etuman bọ Ạsdod, ọḅaram rꞌịbam ạramha phọ.
47 Ạsdod, ọḅaram igbogh rꞌịbam ạramha phọ ọdi; Gaza, ọḅaram igbogh rꞌịbam ạramha phọ ọdi, ẹsighe ẹghi esiemi okol phọ sịphe ọku phọ Ijipt, rꞌỌphiiny aMeditarenian phọ.
48 Rꞌẹpe aroogbolom mọ: Samir, Jatir, Soko, 49 Dana, Kịriat Sefer (ịduon phọ pọ aDebir), 50 Anab, Estemoa, Anim; 51 Gosen, Holon, Gilo; igbogh rꞌịbam ạramha ẹman bọ ḍioph rꞌeniin ạramha.
52 Arab, Duma, Esan, 53 Janim, Bẹt Tapua, Afeka, 54 Humta, Kịriat Arba (ịduon phọ pọ ạHebron), Zior; igbogh rꞌịbam ạramha ẹman bọ esugha ạramha.
55 Maon, Kạrmel, Zịf, Juta, 56 Jẹzreel, Jokdiam, Zanoa, 57 Ken, Gibia, Timna; igbogh rꞌịbam ạramha ẹman bọ ḍioph ạramha.
58 Halhul, Bẹt Zur, Gedor, 59 Maarat, Bẹt Anot, Eltekon; igbogh rꞌịbam ạramha ẹman bọ odiiny ạramha.
60 Kịriat Baal (ịduon phọ pọ Kịriat Jiarim), Raba; igbogh rꞌịbam ạramha ẹman bọ ịyal ạramha.
61 Rꞌẹpe ẹdala phọ, Bẹt Araba, Midin, Sekaka, 62 Nibsan, Ẹmha Aboph, En Gedi; igbogh rꞌịbam ạramha ẹman bọ odiiny ạramha.
63 *Kụ awe phọ aJuda útue uporogh bụo aJebusait bụphe orugh bọ ẹpe Jeruselem ụ́sighiogh; kụ ạbuo aJebusait rꞌawe phọ aJuda urughan ẹpe Jeruselem kꞌarodon.